我不清楚正式選樓程序,即那三次機會,而每次只得一間屋給你選擇,要就要,唔要就再等第二、三次,最多得三次機會,而每次之間要等幾耐我亦不清楚。
但其實房署有個[特快公屋計劃],通常約每年的四月至六月輪侯人士會收到信,如果想參加就填番表格比房署，再等到同年的九月至十月,會收到信通知何時選屋。今年的[特快公屋計劃]已進行緊,你等明年啦!但你愈早入表申請,你的輪侯號碼就愈早,選特快公屋時亦會早些收到信早些選屋,否則,號碼愈后,愈遲選屋,愈少屋比你選,可能甚至無得選,因好地區的屋及大的屋都比人選晒;而選特快公屋是沒有地區限制的,及到時房署會有一塊塊板,板上有晒所有可選屋的資料,會注明屋在那區、屋大小、租金、有什麼問題等!只得十五分鐘給你選擇,你要盡快選定五間心水屋,以防第一間被人選了,即刻跳去第二間,如似類推。
我朋友2003年申請公屋,2004年因輪候號碼遲,選不到理想的特快公屋[就算有問題的特快公屋亦早被人選晒],2005年9月中再選特快公屋,10月初入息審查,10月尾收到信要11月中到所選的屋村辦事處辦理租約簽訂及其他手續及睇屋,他覺得屋問題不大,而選了翻新津貼自己翻新間屋及可即取匙,簡單裝修完11月尾便入伙了,那不是都很快有屋嗎?
希望這些資料都幫到你!